ਮੋਗਾ, 25 ਜੂਨ ( JASHAN) : ਡੈਮੋਕ੍ਰੇਟਿਕ ਟੀਚਰਜ਼ ਫ਼ਰੰਟ ਪੰਜਾਬ ਜ਼ਿਲ੍ਹਾ ਕਮੇਟੀ ਮੋਗਾ ਦੀ  ਮੀਟਿੰਗ ਜ਼ਿਲ੍ਹਾ ਪ੍ਰਧਾਨ ਸੁਖਪਾਲਜੀਤ ਸਿੰਘ ਦੀ ਪ੍ਰਧਾਨਗੀ ਹੇਠ ਹੋਈ |  ਜਿਸ ਵਿੱਚ   ਆਉਣ  ਵਾਲੇ ਦਿਨਾਂ ਵਿੱਚ ਹੋਣ ਵਾਲੇ   ਸੰਘਰਸ਼ਾ ਬਾਰੇ ਵਿਚਾਰ ਵਟਾਦਰਾ  ਕੀਤਾ ਗਿਆ | ਪਿਛਲੇ ਦਿਨੀ ਜ਼ਿਲ੍ਹਾ ਜਨਰਲ ਸਕੱਤਰ  ਸ੍ਰੀਮਤੀ ਜਗਵੀਰਨ ਕੌਰ ਦੀ  ਰਿਟਾਇਰਮੈਂਟ   ਹੋਣ ਕਾਰਨ  ਜ਼ਿਲ੍ਹਾ ਕਮੇਟੀ ਵਲੋਂ   ਵਿਚਾਰ ਵਟਾਦਰਾ ਕਰਕੇ ਸੁਖਵਿੰਦਰ  ਸਿੰਘ ਘੋਲੀਆ ਨੂੰ  ਕਾਰਜਕਾਰੀ ਜ਼ਿਲ੍ਹਾ ਸਕੱਤਰ  ਅਤੇ  ਗੁਰਮੀਤ ਸਿੰਘ ਝੋਰੜਾ ਨੂੰ  ਜ਼ਿਲ੍ਹਾ ਸੀਨੀਅਰ ਮੀਤ ਪ੍ਰਧਾਨ   ਦੇ ਤੌਰ ਤੇ ਚੁਣਿਆ  ਗਿਆ | ਪ੍ਰੈਸ ਨੂੰ ਜਾਣਕਾਰੀ ਦਿੰਦਿਆਂ ਕਾਰਜਕਾਰੀ  ਜ਼ਿਲ੍ਹਾ   ਸਕੱਤਰ  ਸੁਖਵਿੰਦਰ ਸਿੰਘ ਘੋਲੀਆਂ, ਜ਼ਿਲ੍ਹਾ  ਸੀਨੀਅਰ ਮੀਤ ਗੁਰਮੀਤ ਸਿੰਘ ਝੋਰੜਾ ਪ੍ਰਧਾਨ  ਸਿੰਘ ਅਤੇ ਮੀਤ ਪ੍ਰਧਾਨ ਸਵਰਨਦਾਸ ਨੇ  ਜਾਣਕਾਰੀ ਦਿੰਦਿਆਂ ਦੱਸਿਆਂ ਕਿ   ਜ਼ਿਲ੍ਹਾ ਕਮੇਟੀ ਵਲੋਂ   ਪੰਜਾਬ ਮੁਲਾਜਮ ਅਤੇ ਪੈਨਸ਼ਨਰਜ ਫ਼ਰੰਟ ਅਤੇ ਸਾਂਝਾ ਮੁਲਾਜ਼ਮ ਮੰਚ ਵਲੋਂ 11 ਜੁਲਾਈ  ਦੇ ਐਮ. ਐਲ. ਏ.  ਦੇ ਘਰਾਂ ਦੇ ਘਿਰਾਓ ਸੰਬੰਧੀ ਕੀਤੇ ਫੈਸਲੇ ਅਨੁਸਾਰ  11 ਜੁਲਾਈ  ਨੂੰ  ਮੋਗਾ ਦੇ  ਐਮ.  ਐਲ. ਏ.  ਸ੍ਰੀਮਤੀ ਅਮਨਦੀਪ  ਅਰੋੜਾ ਦੇ  ਘਰ ਦੇ ਘਿਰਾਓ  ਵਿੱਚ ਜ਼ਿਲ੍ਹਾ ਕਮੇਟੀ  ਵੱਡੇ ਪੱਧਰ ਤੇ  ਸ਼ਾਮਿਲ ਹੋਵੇਗੀ ਅਤੇ   17 ਜੁਲਾਈ ਨੂੰ  ਮੋਹਾਲੀ ਵਿਖੇ ਹੋਣ  ਵਾਲੀ   ਸੂਬਾ ਪੱਧਰੀ ਰੈਲੀ ਵਿੱਚ ਵੀ   ਵੱਡੇ ਪੱਧਰ ਤੇ  ਅਧਿਆਪਕਾਂ ਨੂੰ ਸ਼ਾਮਿਲ ਕਰਨ ਲਈ  ਸਕੂਲਾਂ ਵਿੱਚ ਜਾ ਕੇ  ਅਧਿਆਪਕਾਂ ਨੂੰ  ਪ੍ਰੇਰਿਤ ਕਰੇਗੀ | ਇਸ ਸਮੇਂ  ਅਮਨਦੀਪ  ਮਾਛੀਕੇ  ਸੰਯੁਕਤ ਸਕੱਤਰ, ਗੁਰਸ਼ਰਨ ਸਿੰਘ ਵਿੱਤ ਸਕੱਤਰ ,ਅਮਰਦੀਪ  ਸਿੰਘ ਬੁੱਟਰ,ਨਰਿੰਦਰ ਸਿੰਘ, ਦੀਪਕ ਮਿੱਤਲ, ਨਵਦੀਪ ਸਿੰਘ ਧੂੜਕੋਟ ਆਦਿ ਜ਼ਿਲ੍ਹਾ ਕਮੇਟੀ ਮੈਂਬਰ ਹਾਜ਼ਰ ਸਨ |